qani’ û şemał

From the Book:
Sirwey Berbeyan
By:
Qani (1898-1965)
 3 minutes  784 views
em pêncixiştekîye le řojnamey kurdistan, jimare 68 řêkewtî 27y pûşpeřî sałî 1946 ke le mehabadî xwênawî derdeçû wergîrawe, qani’ lem hełbesteda basî her çwar ceneřałekey komarî kurdistan dekat.
bay şemał! merdî xwa be, hełke sirwey berbeyan
bêre ser nirke û guře, girmet wekû şêrî jyan
mijde bê bo şar û ladê û xêł û hobey kurdekan
cêjnî serbestîy wiłate û řojî berzîy nîştiman
pêşewaman her bijî bo xizmetî kurdî ziman
cař bide bo kurdewarî, bêje řojit kewte der
mijde bêt dewrî nema derdî dił [û] zamî ciger
mijde bêt řojî nema tirsî şeref, bîmî xeter
labra sêdarekan û labra qesrî qecer
pêşewaman her bijî bo xizmetî kurdî ziman
mudde’î xoy pê negîra řûbeřûy meydanî kurd
çunkî zûtir çêştibûy nûkî řimî şêranî kurd
miłkî serbestî be tapo wa le des lawanî kurd
ca lemewla bêre seyrî me’rekey meydanî kurd
pêşewaman her bijî bo xizmetî kurdî ziman
lêde tepłî bezim û şadî; bange, bangî elferar
řapeře û xot hawe koř [û] naweřastî karzar
şêr le bêşe bête der, ’eybe neka meylî şikar
kakî kurdim! nîştimanit çawenwaře, întîzar
pêşewaman her bijî bo xizmetî kurdî ziman
hîmmetî qazî miḧemmed, pêşewa û ferhadî kurd
řoşnî kirdo le no, binçîne û binyadî kurd
xakî azadî be carêk xiste dest ewladî kurd
lapeřey mêjû denûsê řołe û îcadî kurd
pêşewaman her bijî bo xizmetî kurdî ziman
xanî bane, ḧezretî serdar řeşîdî daroxan
«fîlḧeqîqet» bo necatî hozî xoy, se’îy nwan
naye lawe miłk û mał û ’a’île û řoḧ û jyan
řostemane mukiryanî kird be deşt mazenderan
pêşewaman her bijî bo xizmetî kurdî ziman
şêxî kurdî, ḧezretî şêx mistefa, wek neřřeşêr
xoy û fewcî barzanî, yek le yektir deng dilêr
koçî xêrî bo wiłatî kurdewarî bû be xêr
taqmî berzan û dujmin her wekû kard û penêr
pêşewaman her bijî bo xizmetî kurdî ziman
her kesêk îrsêkî hes, xwênřişitine îrsî şikak
şahîdim salarî simko, çon muşeřřef bû be xak!
dujminî ’êlî şikak her serişkawe û sîneçak
’ummer û tahîr bijîn bo gyanfîdayî aw û xak
pêşewaman her bijî bo xizmetî kurdî ziman
qani’aPen name! xozgem be xot bo komeł û pişt û penat
yek le yektir çaktirin xan û beg û şêx û melat
seyrî ke, çon tê’eçin bo girtinî řêgey necat
şadî mergî çake bo to, hate cê gişt îddî’at
pêşewaman her bijî bo xizmetî kurdî ziman