řû, le mehweşan nek sade řuxan
From the Book:
Guɫaɫey Merîwan
By:
Qani (1898-1965)
2 minutes
1527 views
ger nełên dêwaneye yek şořşê berpa ekem
ḧukmî çerxî keç medar û gunbedî xezra ekem
arezûy wesfî qedî, qed ’ererî zêba ekem
ḧez le pêçî larepêçî, fate û selma ekem
ḧez le lence û wirde řewtî amîne û ’uzra ekem
her kesê erbabî ’îşqe xoy le sade la eda
min ke miftî ’îlmî ’eşqim, dwênê fitwam wa eda
re’fetî şîrîn be şêro, zeḧmetî kîsra eda
gencî badawer le gêjî beḧreda ber ba eda
’aşiqane ḧez le naz û nazşî tûba ekem
labe gudle, îş le perçem, bê ziřey poyle û bilûr
şeq le lêwî bê xezêm û kułmî bê sûrawî sûr
qoł be bê xirxał û zêř û sîne bê milwênkî mûr
namewê bore zelamê wek sepanî şarezûr
meylî gware û piłpiłey banî serî mîna ekem
pelke şořim des kewê, çîme leser bê pirj û bał?
sed keřet xwa bîbřê, řûmet be bê sipyaw û xał
’îşqî sade sarde bê şik, her wekû aşî betał
her ziřey lerzaneye, derwêş exate bezmî ḧał
îştîhay xemze û nezaket, ay û of û la ekem
kuř ke řût û qûte esłen, hîç meze û tamî nîye
bê qetar û gwar, çenax û siłsiłe şewqî çîye?
darî lîmo her kiçe, bê memke kuř darî bîye!
bo yekê lêy tê biga lem şî’re, wesfî kafîye
ḧez le zîřey ser serînî řab’ey aẍa ekem
werne ser seyrî nezaket yarekey cîlwe firoş
taze bûkê baneyî, yaxo le şêxî konepoş
ger be nazo çawî derxa, xanmî dił piř le xiroş
şêx be řîş û mêzero, simtî çilon nanête koş
ehlî wer’im, lêk seyrî, welweley dinya ekem
boye xoşe xełwetî, tenya ziřey lerzane bê
kiç wekû şem’î minewer, kuř wekû perwane bê
geh le bezmî bose bazî, geh meyî peymane bê
xełwetêkî çoł û xałî, wek ’îbadetxane bê
qani’Pen namem emřo xeyałî dulberî ferda ekem