ałay kurdistan
From the Book:
Aɫekok
By:
Hazhar (1921-1991)
2 minutes
3572 views
bê bibînê ew kesey pêy wabû kurd ser nakewê
kê bû pêy wabû temî negbet le serman nařewê
darî ałakem wekû çiqłêke bo çawî ’edû
her diłê xoşî newê řebbî weber xencer kewê
darî ałam darî kird bo xwênmijî kurdî hejar
pêy biłên ba dakewê lew xak û xołe çî dewê
darî ałakem bira, sêdareye bo dujminan
her le asu ser kewê pêwîste jînî xoy newê
parçekey sê řengî xoy denwênê; řengî sûr dełê
ta tinokê xwênî kurd mabê qedî min nanewê
yan dełê lêm sûre dêmukřasî le ’alem serkewê
mustebîd û murtecî’ kewtûne gêjî gêjewê
sipyekey mujdey beyanî bextî kurdî kird beyan
řojî bextî kurde peyda bû nema perdey şewê
dû gułî genmî dełê agat le řizqî xot bibê
xot ke birsî bo çî dujmin pêy bijî lêre û lewê
pêt dełê nûkî qełem ger jînî xoşt pêdewê
ẍeyrî min des nakewê bo řêy tereqî pêşrewê
řengî sewzî yanî daykî nîştiman lewrokewe
cwan û ser sewze wegîrî kewtuwe ’umrî newê
lawekan namûsî no milyone ew ałayeman
gyan biden bo ḧîfzî ew namûsetan le minu kewê
řebbî her kes dujminî ew mîllete dił pakeye
jêr kewê kostî kewê řebbî se’atêk nesrewê