awa bûnêk
be boney koçî dwayî xwalêxoşbû mamosta řefîq ḧîlmîyewe
Li pirtûka:
Le Kořî Xebata
Berhema:
Goran (1904-1962)
1 Xulek
1120 Dîtin
ey seywangay aramgay řaburdûman,
pêt sipêrra kostî tazey kewtûman!
lew koşeta ke xakî nîştimane,
goşey singî nazdarî kurdistane
ba têr binwê ew estêrey ke be şew,
be şewî kurd, neçuwe çawî yek tik xew!
her eynûsî leser textey asoy řeş,
wişey «hîwa»y kurdî be pîtî geş geş
ew řencey day be ders û name û hełbest
şwênî dyare: lew giředa kiłpey best
le bin hemû berdêkî çyay kurda,
le qûłayîy diłî dirişt û wirda
êsta ke řûnakîy asoy řojhełat
mijdey pêye kurd nizîke le awat
diłnya bû le encam û be bê deng,
kêşayewe bo sêberî xewî meng
le paş mandûbûnî merdaney meydan,
ba le koşî dayka binwê pałewan!
bełam êmey gîrodey estêrey geş,
ta ew řojey gił emanxate baweş,
çawî tasey be şwêna her egêřîn,
le asmana; çunke cêy çoł ebînîn.