bangêk bo poł řopsin
Li pirtûka:
Le Kořî Xebata
Berhema:
Goran (1904-1962)
2 Xulek
1149 Dîtin
ey bulbulî aştîxwazîy, poł řopsin!
ew şêtaney le xwêndinit etirsin
demyan girtî, nyazyan hebû awaze
qedeẍeken le gwêçkey dinyay taze
ber negîra boyan le řoj, naçar bûn
řêy fiřînit lê bibestin bo derçûn!
ew şêtaney saz û keman eşkênin,
bulbul egirin, peřî bałî derdênin,
nayełn bêy, bo gelanî řojhełat
beste biłêy, tîj key agirî xebat!
řojhełatman: lay řûnakî aşnate,
lay şewîşî bêdare, diłî late,
çawenwařîn qefesî kon bişkênî,
pesaportî deng le sinûr binwênî,
(colyo neyut: řastî û goranîy řopsin
bê pesaport sinûr bibiřn, netirsin?)
bimangeytê û be awazey wek hengiwîn
le nawmana bixiwênî bo: aştî û jîn!
wa bixiwênî ke sipî û zerd legeł řeş
gwêt bo şil ken wek yek dił û wek yek leş!
tînûy gyanî goranîtin, poł řopsin!
poł řopsin! ey poł řopsin! ey poł řopsin!
sipî û zerd û řeşî řêgay yek girtin
pałewanî aştî! bulbulî witin!
ta naw dołî dûr û kilay kurdistan,
naw û dengit aşnan be gwêçkey însan
kuřî saway ḧewt sałanim etnasê,
nawit eba, wek hî mamî dirawsê!