qîblem merdenim
Li pirtûka:
Dîwanî Welî Dêwane
Berhema:
Welî Dêwane (1826-1881)
2 Xulek
1063 Dîtin
qîblem merdenim, qîblem merdenim
amanit ferzen wadey merdenim
ne ḧałat wext wesyet kerdenim
ne akam sext gyan siperdenim
wesyetim êden şay şem řûxsaran
bî we bałînim çun beynet daran
bêxof û endêş ce kes nekey şerim
hordare perdey ḧicabit be nerim
nepoşî cemîn şems xawerî
bowe zanoda çun esmay perî
binîşe we ban bałînim we naz
bwane sûrey «yasînNava taybet» we awaz
zuwan be řêzey şeker řazewe
deng we seday xas weş awazewe
cemîn we ’ereq bo guławewe
gona û egrîce û zułf xawewe
cew ’ereq ne dewr gonay مەەپارە
ce ser bitkêw bigno we çare
ta dîdem ce seyr dîdey syat bo
nezare û nezer nazit zyad bo
goş hem we seday řêzey řazit bo
bew sûrey şerîf weş awazit bo
er sed car «qabiz» siza bido pêm
henî nîm we teng gîtin kêşan wêm
eger bew tewr bo řoḧ řewanim
bîlla we asan bermeşo gyanim
hay çe weş mebo ’umir û zîndegîm
ne xak pay to bikerdam teslîm
eger we teḧqîq sed ko gunamen
înşełła beheşt heştemîn camen