qîblem řêş nebo
Li pirtûka:
Dîwanî Welî Dêwane
Berhema:
Welî Dêwane (1826-1881)
1 Xulek
499 Dîtin
qîblem řêş nebo, qîblem řêş nebo
er dił wemewday ’eşqit řêş nebo
er ten bełabar meynetkêş nebo
eger dîdem xar dûrît têş nebo
ew dił syaseng ew dîde tar bo
ewten kone kunc maway mezar bo
serê seraser ne sewdat nebo
gişt demê ne gerd xak řat nebo
ew ser bê saman ne ten cya bo
xamoş ẍełtan xak sya bo
پاێی nekero amuşo welat
destê nekêşo şewu wiřo cefat
ew pagestey mar ef’î ḧefit ser bo
ew deste mecruḧ zam xeter bo
zuwanê ne zikir senay to nebo
şewu wiřo ne fikir do’ay to nebo
ew zuwan bênutiq her we piłas bo
amîn biřîdey têx ełmas bo
min ce dûrî to şay şem cemînan
her katê zanay laşem mewînan