seyyad namit bam
Li pirtûka:
Dîwanî Welî Dêwane
Berhema:
Welî Dêwane (1826-1881)
2 Xulek
877 Dîtin
seyyad namit bam, seyyad namit bam
to namit çêşen? fîday namit bam
sed car we sergerd dest û damit bam
řeḧmet beyo pêm ta ẍułamit bam
min perwaney wêł wadî wêranem
mecnûn çołgerd řîsway zemanem
şewan ta we řo ce ẍem daranan
řefêq hamřaz weḧşî saranan
’ebdał beřgêł bêdî mekanim
cefa û meynet kêş zerdey hîcranim
siza û sitemkêş ẍem ne derûnim
herdey «tebes» gêł awarey tûnim
çendêwen ce dîn şay şem dûr keftem
siftey ahirnak satê nesreftem
her weḧşî ne şikił şêwey dosmen
řefêq hamřaz ’asa û posmen
min zewqim we deng nałey ewanen
qinyatim we dîn dîdey ewanen
dûr ce dîdey dos min bewan şadim
ta ew řo gerdûn bido miradim
ey wełedey şox to girten ne dam
ce şikił û şêwey qîbley min temam
nîm nigaş ne dił nawik şano
dîdeş we dîdey qiblem memano
fîdat bam sed car seyyad sara
bexşiş we bendey xem pêda wara
azadiş biker aman ce damit
ye xeylê nengîn mebo pey namit
ew wełedey weḧiş azad key ce dam
înşałła ce dû dinya wênî kam