çiraẍim awan
Li pirtûka:
Dîwanî Welî Dêwane
Berhema:
Welî Dêwane (1826-1881)
1 Xulek
817 Dîtin
çiraẍim awan, çiraẍim awan
serzemîn we zewq dîn to awan
bałat sengerçey newtûł sawan
saway gułistan «cinّةalim’ewîErebî» an
gêsût beřezay pexiş pay kawan
zułifit egrîcey bał «bet» awan
ya çun çinûran ne ser kiławan
çabukî wazan ne dewr çawan
dîdet çun dîdey ahûy ber tawan
gunat gułẍunçe ce no şikawan
lîmot guł wedem hêmay neyawan
nimnaken we ’etir şewbiwê şetawan
xał nuxte sosen pay xuretawan
min cew xałe derd mecnûn pêm yawan
nemam newxêz nazdar bawan
tonî şay sosen ne ser serawan
hîç kes nizaket nazit netawan
her yek min nebo şay çem syawan
min wêłim pey to sub ta xur’awan
kawan, kiławan, gişt we min awan
cewsawe we nêş nîgay to kawan
şewan ḧeramen ce dîdem xawan
şew ta řo çenî bext wêm dawan
cam hane ser ferq qulley kiławan
fiday dîdet bam şay çem syawan
řeḧmê ker weḧał bendey bê tawan