bira gyan selam
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
381 Dîtin
bira gyan selam ...
selamim henen hezaran selam
we fîrqey sadat mam û xas û ’am
nîgadartan bo ḧeyî layenam
yawa we destim namey xoş meşam
’aciz û meḧzûn ce kerdey nefam
do’a gotanim ce sub ta weşam
bêzarim ce dest nutfey nawekam
’ezîzim key bo binîşî we lam
ẍusey derûnim berşo ce alam
fîkir û ’eqił û hoş nemenden çe lam
omêdman henen byawîm we kam
key řewşen mebo ey şeb zelam
diłman řewşen bo cey weqit û eyam
kase piř bîyen nedaro dewam
penaman henen we řecay ... m
ye emrî heqen zubdey elkelam
cezay firawan cem besten çe lam
emir yezdanen na ’edlen ḧukam
ehil heq teslîm bîyen we nefam
çi tewr teḧrîr kerd da’îrey eqlam
er ẍem er beła eger şadukam
mebo řazî bîn dił gêro aram
ey dewrey fanî zû mebo temam
yezdan cey kare ḧîkmetê daro
heqman mestano ferda ya aro
xuda ’adlen şikê nedaro
lazim heq wedest heqdar byawo
mufeşq bîyen şîrazey fîkirim
bê şewq û bê zewq meḧrûm çe zîkirim
ce ’elî seray seyîd muḧemmed
cwab şî’irim pey bikere řed
ya heq neyonê we řaget hîç bed
nîgadartan bo waḧd alaḧdErebî
řagey musteqîm babo çenî ced
mebo bigêrîm derûn mu’temed
kyanam peyt name biray mu’teqed
baqî walsilamErebî ya ’elî meded