penaman we zat şay ’alem heme
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
314 Dîtin
penaman we zat şay ’alem heme
ey name wenezd aẍa sey ḧeme
her çend te’rîf kem hêman her keme
řewneq we meclîs zewq û zemzeme
cey dewr na ’edil derûn piř teme
hewrêşim saf gişt bî we peme
ey biray ’ezîz nûr dû çeme
agadarit bo saḧêb kereme
car car mubtelay we derd û ẍeme
derûn sebar ber noş biker seme
welew jar noşî cebir û siteme
axirş çun şehd mizeş ce deme
wexten diłşad bîn cey wext û deme
yaran xoş ḧał bo munkîr ce řeme
newaçî mełła şêt û ser seme
şeyday dîn yar perwaney şeme
ce sał marda mebo hem heme
firyad řes ḧazir pey zam mełḧeme
tane kêş diłşad meẍrûr melceme
cergiş pare mo we mewday qeme
şikakan kor zeyn gişt nameḧreme
nêkan daẍmedar qedîm deme
taze îcadan wêney beqeme
şerit qedîmî sikkey eqdeme
newaçî ey şî’ir pey heq tûtûne
beyn min û to şerit bitûnen
welew îdarey mełła çe tûnen
bê řeḧim mîllet çun bê sitûnen
nîm ḧoqe tûtûn perê qyamet
bimano we qerd serit selamet
eger mewaçî qyamet nîyen
îspatiş biker qewman kê dîyen
henî kafîyen giftûgoy eş’ar
cewabim bider yar wefadar