bira xeyałim 2
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
394 Dîtin
bira xeyałim ...
şew û řoj daym hay ce xeyalim
ey seyîd ḧeme qezat we małim
ce dûrî dîdet wêney ’ebdałim
we tełx mo bar û řozgar û sałim
ce dûrî yaran derûn zuxałim
er sed ke feqîr bê mułk û małim
wesayey yaran saḧêb îqbałim
dewr deqyanûs ha ce xeyałim
nedîm çey wêne mîllet załim
er sed ḧacî gyan poşagen şałim
řizyan ce pîrî tûk kilk û yałim
ce te’ney bedan farẍ albalim
ce be’zê eḧwał zor ewqat tałim
pey mediḧ yaran wêney dełałim
fîrqey yaranen gurz û gopałim
to qet nepersay çonen eḧwałim
xuday heykelan bîyen zewałim
giriftar ce nam quřaw û çałim
gişt kerdey wêmen daym bê nałim
muntezîr we emir şay bê zewałim
yaheq dił yaran gişt kerî salim
zat heq wêşen melcagay pałim
sakin û sikût hem zuban lałim
pey bar le’net çun xer ḧemałim
me’lûmen meḧu bîyen îqbałim
er sed car baçî saḧêb kemałim
pare nimeko çunke bê ḧałim
meraq we yaran saḧêb cemałim
sikkey şerit bitûn saf û zułałim
heq wêş mezano çun kerden qałim
er nêk û er bed nadir emsalim