îbtîda be nam xalîq ekber
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
421 Dîtin
îbtîda be nam xalîqî ekber
ey name wenezd sey ḧeme ḧeyder
hezaran siłam wecan û ciger
piř zewq û piř şewq biray mu’teber
ce kerdey gerdûn gişt serman sîřen
îdarey mełła weçiř û fiřen
pirêm bikyane nîm ḧuqqe tûtûn
we řezamendî we şertê bitûn
zimistan ama we’de kerd ḧilûl
perêm bikyane webê pare û pûł
çawî maç ekem aẍa sey ełmas
memnûnen çeneş mełła sey ’ebas
destî maç ekem ew mîmî sułtan
nîgehdarş bo padşay subḧan
destyan maç ekem cemî’ sadat
aẍayan xas saḧêb keramat
duwemîn siłamim we cemî’ mamat
gişt yaran xas çenî omîyat
henî kafîyen tetwîl eş’ar
me’lûm bo ce lat yar wefadar
cewab eş’ar mîqdarê tûtûn
zûd pêman bikyan lêt nebo çetûn
baqî walsilamErebî řoḧ řewanim
bendey kemterîn qapî yaranim
***
îbtîda be nam xalîq ekber
ey name wenezd sey ḧeme ḧeyder
hezaran siłam wecan û ciger
be’dî ez selam ustay piř huner
teşrîfit naman welay ey kemter
ye xeylê wexten biray dîn perwer
omêdewarim we şay ... wer
zûd necat bwîn ce ey derde ser
ce destî munkîp necat bîn yekser
heqman bistano ew aẍay qenber
ey cîfey fanî řenciman kerd bêwer
tem’ hezaran kerd zêr û zeber
mesref qilyan ey çayî û şeker
ḧeya paymał feqîr der be der
ey nefis zordar ejdîhay hefit ser
wêney nêre ḧût nedaro lenger
da’îmen mełła her ce telaşen
zîkir û fîkirman perê î’aşen
mîqdarê tûtûn kyanat perêm
qerden ya belaş me’lûm biker lêm
eger we qerden pey řoy qyamet
mełłatan merden serit siłamet
eger we pare mekerîş ḧesaw
cwabim bider we te’cîl û taw
te’mînş kîtab binîş we bexe
pey řemił şana pey dwîn deẍeł
yařeb we şadî biřanî eyam
alamir minkim baqî walsilamErebî