seyîd bêzarim
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
1 Xulek
368 Dîtin
seyîd bêzarim ...
we yekta qesem ce gyan bêzarim
ce dax dewran dił bêqerarim
giriftar dest nefis zordarim
ye xeylê wexten ce gyan bêzarim
feqîr zer’an dił tane barim
wedest ḧirs û nefis gîr giriftarim
mer zat bêçûn kero tîmarim
yařeb wedergat omêdewarim
we lutif keremit bisazney karim
ce nam ey mîllet emin çun ẍarim
ce ẍaran beter dił te’ne barim
eger heq naçî hem çar naçarim
çun xer ḧemał mekeran barim
wew kese qesem perwerdegarim
weteḧqîq pey merg ce gyan bêzarim
yařeb wedergat omêdewarim
întîzar we lutif her çehar yarim
qesem we kelam zat cebarim
ce çeşme zyatir hem ẍem gusarim
daym çun ḧenzel hem tirx tałim
ce ẍaran beter medan azarim
gahê hem şîrîn çun şeker warim
gahê hem tałim çun jar marim
wesayey mîr sûr yawana we hoş
we kelb yaran kerom feramoş