kak feqê xewer
bo mam muḧemmed derwêş ’elî
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
422 Dîtin
kak feqê xewer ...
mepersom lêtan mîqdarê xewer
cwabim biden webê derde ser
’arfan xas delîl řehber
su’al û cwab ferzen pey beşer
wexoş zubanî bê kîne û keder
newaçî mełła meẍrûren yekser
teslîm byanat weşay ... r
eweł su’alim êden ser defter
neçêş îcad kerd ye’nî ḧewz kewser
çend me’mûr daro mezeş çun gewher
yekayek su’al wenem ’eyan ker
su’al dûhemîn aw munteşer
neçêş îcad kerd awird we nezer
su’al sêhem řoḧan seranser
neçêş saznaş xalq ekber
ye’nî nîk û bed fîrqey canewer
mayeş ne çêş bî baçe pey kemter
çwarem ye’nî xor şems munewer
çend hezar lîsken biker muqeřeř
pêncem su’alim ey nûr beser
xał nam mang waçe pey efqer
mang û xor yek bî perêm cya ker
cewab watem webê řya ker
me’lûm bi ce lat ey feqêy gyanî
neçêş îcad kerd řoḧ însanî
dwanizde burc asman seb’ey seyare
namşan çêş bî biker îzhare
çwar ’enasir çenî şeş cîhet
wenem ’eyan ker bê mizd û mînet
çend hezar ẍułam ce wicûd merbût
xak û ab û bad çi tewr bî mexlût
şicirh altûbîٰErebî çend hezar çiłen
mêweş çend řengen kamş şa gułen
hefit tebeq sema hefit tebeq zemîn
weqwey kam zat çenî cya bîn
mayey xak çêş bî beḧir bî webeř
perêm bwaçe me’nay dû şehpeř
eger su’alat to day we destim
ẍułam muxłîs qapî to hestim