aẍa amade
bo seyîd ’elî neẍe
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
282 Dîtin
aẍa amade ...
leşkir ḧazren pey ceng amade
penaman we zat muşkił guşade
cîhan yek řeng bo temamî sade
newaçî mełła medo gewade
ha te’lîm dirman pîr ustade
fîrqey munkîran webê îrşade
çew bone weytewr munkîr ’înade
’ecayb ẍewẍa ceng û cîhade
ey ceng û cedel perê beẍdade
qîsmê çe yaran bê î’tîqade
meşẍuł ẍeybet fîtne û fesade
daym firyad řes her ce îmdade
pey aşoy şaran yaran diłşade
sadir bî temam weytewr îrade
temam zebûn mo beg û begzide
ẍedir kerbela her han ce yade
řenc bedkaran medan we bade
ce sebit tomar munkîr nefyade
ustad ahin kawey ḧedade
yarî xułase temam azade
wexten necat bîn cey merg û zade
dił ha çe xiroş pey wext û wade
daxił we şirût aba û ecdade
ceřay heqîqet bîman pyade
ce nîmey meydan temam îftade
diłan wêney befir ce încîmade
wecoş kure ḧel mebo made
wenfûs pîr şehirim abade
hîmmet yaran řast kerden cade
dexîlen aẍa ce munkîr lade
muhir heqîqet ce dił nîhade
ce dûrî dîdet dił çe firyade
cewab şî’irim biker î’ade