ḧacî bê maye
bo mam muḧemmed
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
1 Xulek
419 Dîtin
ḧacî bê maye ...
şîr nimo we mast me’lûm bê maye
cey axir aluqitErebî êdemen ẍaye
weca memano kulane û kaye
tucaret nimo webê sermaye
ce lay munkîran giftarim zaye
ce her çwar etraf ceng û heraye
xuda yaristan kero ḧemaye
nemenden cey wext qedir hamsaye
xelayq gumřa dił bê çiraye
cemî’ mîlletan han çe de’aye
ře’îs megêro qedir ře’aye
ce qedir firzend gişt ḧeram zaye
han ce felaket pider û daye
mîllet yaristan bê fîkir û řaye
giroy aẍayan nedaran saye
sed dadim ce dest ’elî seraye
şewq dîndarî layan nemaye
xerîk qumar buxtyan û kaye
xud bîn, xud pesen axir řîswaye
hêştan neyawan mełła we paye
çew bone meraq ceng û de’waye
mełła giriftar nefis bê ḧeyaye
şerabettutun muştaqî çaye