ḧacî gyan muflîs
bo mam muḧemmed
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
375 Dîtin
ḧacî gyan muflîs ...
me’lûm bo lêtan mełła bî muflîs
sed dadim cedes qewmî yeqîn sis
giriftar bîyen mełłay nadrûs
xełas bît ney ca ey yar muxłîs
min mendem tenha bê yar û bê kes
bê yar bê yawer bê şewq û hewes
beẍeyr ce wida nîyen firyad řes
ḧacî cey şî’re qise meker wes
cerîmey kaẍez danim bîst fils
dawît ce kaẍez pûłî małîye
ezanî mełła eme ḧałîye
weqerit û ferit bîst fils temam
dam we cerîme baqî walsilamErebî
weytewre mebo usta û şagirdî
cey axraluqitErebî ey zułim pêm kerdî
yek fils perêm wêney dînaren
er sed bwaçan mełła bê’aren
heq bîst fils heta we bîst sał
selefiş bikyan ḧacî xoş xeyał
han ce oẍirit temam ser û mał
heq bîst fils mo kerî îkmał
min watim ḧacî ruḧ alḧyatîErebî
nezanam ’ettar naw dêhatî
baş tacrenî hem defter firoş
cew bone mełłat kerden feramoş
biraye meşẍuł kar ’ettarî bo
me’lûmen lêman ce bêzarî bo
henî kafîyen giftûgoy kelam
řoḧ mekem fîdat ḧacî nîk nam