ḧacî serdenî
şîn bo nemirdû (bo mam muḧemmed derwêş ’elî)
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
3 Xulek
270 Dîtin
ḧacî serdenî ...
me’lûm bî ce lam zor dił serdenî
da’îma xerîk cîfe û derdenî
cew bone mełła yad nekerdenî
delîl řehber tom ham ferdenî
hemîşe xerîk berdełberdenî
wase mezanî eto merdenî
dûr keftey wiłat hem řeng řerdenî
eşhed û bîla swarê cerdenî
bê ẍel û bê ẍeş hem bê gerdenî
ey zułim û ẍedre we min kerdenî
ce teref min dił çun berdenî
ce gîr û girift sewday qerdenî
wiřay heqîqet ser siperdinî
dûr ce felaḧî webê çerdenî
giriftar dest wêł herdenî
çemeřay řeḧmet şay pişt perdenî
ře’îs ulkey şerqel’erdenî
cey dunyay fanî girew berdenî
sed ḧeyf ke mełła yad nekirdenî
saf û musefa webê gerdenî
bê řeḧim û însaf wêney cerdenî
řagey heqîqet tey nekerdenî
ce bed bextî min me’lûm merdenî
***
baboy dûr wiłat mam eḧmedim řo
’aqił dewran we hîmmetim řo
baboy xoşewîst mam medḧetim řo
pidrî ’ezîz mam nî’metim řo
biray xoşewîst sey ’ebasim řo
eflatûn îdrak ustay xasim řo
dûr keftey mekan ’elî seram řo
nûr dû çawan bawe û biram řo
merdey qewristan şêx řiḧîmim řo
yar bê wefa dił selîmim řo
biray muḧterem mam zahîrim řo
ce dûr dîdar dił ahîrim řo
ḧesret berdey xak ab û giłim řo
firyad û fîẍan çun bulbulim řo
meḧrûm ce dîdar qeyametim řo
ḧacî zemîr pak selametim řo
bê yar bê yawer webê şewqim řo
meclîs pergende we bê zewqim řo
ḧacî dimay to derdim giranen
fîrqey yaristan wêł herdanen
ḧacî sey ḧeme bin seyîd ḧeyder
me’lûm ce ême kerden serf nezer
meşẍûł we cîfe hem we řadyonen
ewîş hem merden mełła zebûnen
eweł siłamim we kwêxa derwêş
mełła do’a gon da’îma perêş
dûhem siłam bo we mał, mindałş
gewre ta biçûk xasen xeyałş
destyan maç ekem cemî’ sadat
we gewre û biçûk piser û benat
sêhem siłam bo we cemî’ bawe
esłen dyanet layan nemawe
çwarem siłam bo we cemî’ --Teksta ne aşkira
xas çenî xeraw xořî û legaman
her kes eḧwałim meperso cey ser
mewî ẍułamş ta yum alimḧişirErebî
umêdim heqen şay xawendikaran
qebûłim kero we segî yaran