feqê ce wîrim
bo mam muḧemmed
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
1 Xulek
255 Dîtin
feqê ce wîrim ...
watey cenabit lwa ce wîrim
ce dax dewran derûn piř tîrim
xeyał mufeşeq tarîk zemîrim
’asî ’îsyan bar xeta kebîrim
çenî ḧeywanat nîyen tewfîrim
’eynelqelb mesdûd hem bê besîrim
kota xizmetim ce yarî dwîrim
cîfey ey dunya kerden zwîrim
me’yûs û meḧrûm delîl û pîrim
swar wehana bo we destigîrim
wertey giriftar quřaw û qîrim
napuxte qałb xerawen şîrim
keştî ber geşte ce bêx bîrim
wedest ḧirs û nefis esîr û gîrim
fesad û fitne bed û mezwîrim
cey bendîxane qeyd zencîrim
cey wext û zeman beden teswîrim
feqê qebuł ker şî’ir û teḧrîrim
ẍułam îxłas seyêd cemşîrim
kelb astaney yar feqîrim
ce sebit tomar nîyen ẍecîrim
demaẍ mu’etter misk ’ebîrim
qanî’ û meqnû’, sabir, sebîrim
ce sebit tomar kiryan teqdîrim
pena we eltaf şah qedîrim