ḧacî destigîrit
name bo feqê ḧeme ḧeyder
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
445 Dîtin
ḧacî destigîrit ...
zat yar qenber bo we destigîrit
mełła we ẍułam řewşen zemîrit
yařebî zor bo ḧunte û şe’îrit
cew bone mełła nîyen ce wîrit
cey kar û bazař nîyen xebîrit
zat şa ’elî řast baro tîrit
muştaqim we ’eşq dîdey munîrit
ẍułam muxłîs nîyen tezwîrit
hezaran řeḧmet we zat û şîrit
yekcar bo xoşen misk û ’ebîrit
ḧakim teḧqîq senden teqrîrit
’eceb ḧacî gyan nîyen xebîrit
ce xaw dyenim şîrîn teswîrit
pey me’nay ey xew çêşen te’bîrit
ey nefis zordar kerden esîrit
bwaçe penem fîkir û tedbîrit
mewla bwexşo gunay kebîrit
ne hîç cameye neko feqîrit
wexten bişaxno şax nefîrit
yaheq guşad bo dîdey besîrit
çenet řazîyen delîl û pîrit
fîrqey munkîran meken teḧqîrit
fîkirit firawan ’emîqen bîrit
yařeb awa bo şar keşmîrit
payeş biłind bo text û serîrit
çend merd dana bo we wezîrit
cîfey ey dunya neko tesxîrit
pişt mewest we berg lîbis ḧerîrit
serpoşt asman xak bo ḧesîrit
pałiştit seng bo xorak fetîrit
hezar aferîn pey fîkir jîrit
#
temam lizîzen mast û penîrit