ḧacî nameket
bo mam muḧemmed
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
1 Xulek
261 Dîtin
ḧacî nameket ...
yawa wedestim şîrîn nameket
giftar lizîz xoş xerameket
we şad bwêro subiḧ û şameket
hîç ẍeş nedaro gişt endameket
mełła bo qurban xak eqdameket
yaran gişt muḧtac xoş kelameket
ẍayet lizîzen mize û nameket
ha ce demaẍim boy şemameket
mełła we ẍułam ’eqił û fameket
îşełła sarêj bîyen zameket
ẍayet te’dîlen îstîqameket
we şewq û we zewq bo dewr eyameket
mubarekit bo new nemameket
temam diłşad bîm ce peyameket
ya ḧeq qebûł bo gişt syameket
yaheq şikist no med xyameket
mełła we ḧeyran dewr ’emameket
temam řewneq dar tam û sameket
’alem muştaqen we selameket
mełła wefîday şîrîn cameket
yekcar zordaren nefis lewameket
pey tem’ biřyan gişt arameket
çenî min çêşen to merameket
ce řay dîn yar kwa îkirameket
çun koh cem besten gişt ẍerameket
teḧqîq ker me’nay gişt kîtabeket
take řewşen bo řay qyameket