ḧacî nemenden
bo mam muḧemmed
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
1 Xulek
408 Dîtin
ḧacî nemenden ...
edeb û erkan neyca nemenden
ḧirs û nefis ẍałb îman pergenden
me’lûm nîşaney hezar û henden
dwanizde burc temam mer ḧesab çenden
penaman we zat şay xeyber kenden
yar yek wicûd gişt we yek benden
giftûgoy yaran çun kelle qenden
munkîran meraq we fêł û fenden
yaran giriftar ḧełqey kemenden
bîmar bê derman namey merg wenden
şikakan ce keyf çe şadî û xenden
tak tak ce řûy erz yar saẍ menden
mabaqî şiloq meşẍûł řêş xenden
ey xeyał xam fîkir lêm senden
çe to zyater henî kêm henen
qerar yar mafewq sogenden
ḧacî sebir û ḧukim temam pesenden
me’nay yar merbût weyek peyunden
newa çun şikak bîr pey yek kenden
sułtan tîr we řûy şikakan şenden
kase piř bîyen gunah ce gerden
ye watey mełła giftarş řenden
řezîl û řîswa çe ’alem penden