feqê qelîlen
bo mam muḧemmed
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
1 Xulek
281 Dîtin
feqê qelîlen ...
cey wext û zeman dîndar qelîlen
îdarey ey wext temam gişt ḧîlen
destigay heqîqet çun bar fîlen
řu’yey dyanet şerit û iswîlen
nêkan derûn řêş barşan eqîlen
ye çendê wexten karman te’tîlen
fîrqey yaristan esîr û dîlen
yaheq ce dergat ye çon qewîlen
munkîran diłşad nêkan sefîlen
perê qerz û wam xuda kefîlen
şay hejde hezar xalîq wekîlen
yar dił teyar bê qal û qîlen
derwêşan pey heq gişt aragêłen
baẍçey derûnman bê aw û bêłen
zubanman lengen ḧerf bê tefsîłen
çemman întîzar řay koç û xêłen
qeys asa sakin çe koy duceylen
ye emir wêşen ser çeşme lêłen
pey cîfe merdim her çe te’cîlen
’aqîbet dewran pey řewşen zêłen
yar qedîman xawen hesîłen
çe sebit tomar we’de tekmîlen
munkîran wetewq zencîr teḧmîlen
ce lay xawendikar yekser teḧlîlen
nêk û bed cîhan giştiş wisîlen