ḧacî bêzarî
bo mam muḧemmed
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
1 Xulek
288 Dîtin
ḧacî bêzarî ...
me’lûm bî ce lam lêman bêzarî
ce dax dewran ce ah û zarî
guriftar we dest nefis bedkarî
ustad kamił ẍayet dîndarî
çenî munkîran her ce înkarî
muştaq dîn yar bêzar ce xarî
ehil xizmetî hem kirdar darî
dił yar û koy yar merd qetarî
bê qedir û ḧurmet ce nam ḧesarî
emsalit nîyen to ce hoşyarî
bê yar û yawer goşe û kenarî
muntezîr we lutif zat defter darî
zat xudawend kerot bêdarî
daxił bît weşerit řay ředa barî
řehnimûmay řaten şay buraq swarî
çend car ce xawda noşanit jarî
be’d jar noşan xełat bisyarî
xak puxte xak temam teyarî
ce xezaneten daney merwarî
muşterî nîyen hay ce pêwarî
ḧazren tucar pey xiřêdarî
bełê beşertê nebo îzharî
penhan û siř bo cetoy ’emarî
zat firyad řes bîyen swarî
çenî bêgane han çe qelarî
nîşane êden ce sał marî
ce çwar quřne mo qetił û kuştarî
fîday namit bam feqêy salarî
řoşnayî diłim şifay bîmarî