kak feqê name
bo mam muḧemmed
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
1 Xulek
751 Dîtin
kak feqê name ...
yawa we destim eş’ar û name
ce cejin qurban wext xoş hengame
mutałe’em kerd we şadî û kame
guftarit lezîz ’enber meşame
fermûdey wayet yekser temame
her kes naciḧ bo cey duł û came
le gişt heweřê karş temame
kilît heqîqet ce ser encame
beyan mekero yekser peyẍame
řoj meḧşeren yum alqyamhErebî
umyan duşmin seyîd û mame
wexten sařêj bo birîn û zame
xełas bîn ce dest ey nefis xame
er esp ey ḧirs nekey leẍame
’aqîbetel’emir mewî nedame
her şexsê we zat ’elî ẍułame
hîç bakiş nîyen cey bend û dame
teslîm weřay heq serş selame
ce kunc xełwet meko îqame
’uşret nimeko çenî ’ewame
meraq we ustad pîr xoş fame
newaçî mełła xořî û legame
mexsûs wêm mekem şêt û sersame
şerit heqîqetim papêç pame
meḧkem weqîn qełay połame
ḧazir ber feqê sefer ce řame
seng di ... awer cay îltîcame