kak feqê yawa
bo mam muḧemmed
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
1 Xulek
317 Dîtin
kak feqê yawa ...
namey xoş elfaz we destim yawa
çun xunçey behar diłim şikawa
herçî persawîm cwabit dawa
dirext kamłît temamî yawa
řehber řastim nûr dû çawa
hezar car şukur we qapî kawa
celat îkmal kerd defter serçawa
seyyad batîn fîrqey paktawa
xewer darenî ce herdû lawa
giroy munkîran gozey şikawa
çenî şikakan meker daw dawa
her kes parêz kerd ce kar xerawa
me’lûmen ew kes sikkeş muhtawa
mebo qebuł key çarman nemawa
ey fanî hîçen baqî ḧesawa
heta dar bîd bigêro sawa
medara bikeyn çenî gumřawa
dyanet fewtyan îman çe pawa
çe hezar yekê menden wepawa
ehil heq daym meşẍuł kîtawa
bêzar çe meclîs ey qîl û qawa
mutî’ we qanûn erkan şawa
perê yaristan dest we do’awa