feqê fîdatim
bo mam muḧemmed
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
338 Dîtin
feqê fîdatim ...
feqê gyan řoye sed car fîdatim
muntezîr cemał bejin û bałatim
bendey kemterîn xak jêr patim
çemeřay řeḧmet we’de û se’atim
umêd hen xalîq kero xełatim
şew û řoj daym ce xeyałatim
derwêş feqîr ḧacî dergatim
weyek şad bibo ḧeyat mematim
yaşa amanen her ce senatim
’aciz û meḧzûn bê destełatim
derûn ce weswas bê îltîfatim
ya zat bêçûn her ce penatim
bar kêş dewran cewr û qezatim
şakir û meşkûr qanî’ qinyatim
camey mecazî kem wacîbatim
xezney dił memlû’ piř meqalatim
carê mewqufim webê ałatim
dexîlen feqê şahîd îspatim
du’am pey kere bizan biratim
pey nezan maçe şî’ir û ebyatim
dił serdan meken pend řûy besatim
er qebûł kero heq bedelatim
sergerdan neko wêł wiłatim
yaheq biderî sebir û ebatim
mat sergerdan beḧir heyhatim
’ezîzim feqê řoḧim çe latim
to feqêy xasî bende mełłatim
çemeřay afaq çe xorhełatim
pey nwîsnay kîtab şagird xeyatim
muştaq we awaz deng û sedatim
şew û řoj daym muḧtac du’atim
çe ḧizûr pîr ce mude’atim
fîday zerb dest şar zeẍdatim
řu’yay hewełnak tełx kerd ewqatim
ga piř, ga xałî, me’yûs û matim
yaheq qebuł key do’a û ḧacatim
gîr werdey gerdab ’eceb ḧałatim
xuday ban ser bidey necatim
qebûł bikerî ey dexałatim