feqê taracen
bo mam muḧemmed
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
3 Xulek
472 Dîtin
feqê taracen ...
dêwaney kem fam çun nan sacen
îdarey ey wext we xerc û bacen
her kes înca bo daym muḧtacen
mełła serserî webê mîzacen
dyanet nemend îman taracen
edeb erkan çun ałtûn tacen
fîrqey bê erkan wêney şîracen
erê feqê gyan! ḧerf nařewacen?
mełła musteqil bê xerc û bacen
derd feqîran webê ’îlacen
załman meẍrûr her çe taracen
bê şewq û bê zewq dił bê geracen
bed bextî tał’ fîrqey hellacen
zira’ fewtyan metru ’eracen
yaney bedkaran yekser heřacen
we’de nezdîken wext îfracen
seyad ne parêz řaw duřřacen
keştî ne girdab beḧir û emwacen
řay necat nîyen mexlûq e’wacen
dunya dûr fîrqe xazir efwacen
zelzeley aşûb deycûr dacen
cehenem perê -----Teksta ne aşkira
çelay xirafan şî’irim řewacen
eweł sełamim we mame zahir
emsalş nîyen ta mîsir û qahir
duwem sełam bo we seyîd cemşîr
mannidiş nîyen ta şar keşmîr
sêhem sełam bo we seyîd ’eze
sexî tebî’et ẍayet xoş meze
sełam bo we nezd muḧemmed sefî
emsalş nîyen ta we necefî
sełamim henen we bawe heyas
we bawe řostem mêrd heq şunas
sełamim henen we mame ḧeme
řewneq meclîs zewq û zemzeme
sełamim henen we mame ’ebas
we derûn saf we sîdiq û îxłas
sełamim henen we mełła wehab
ecel nezdîken pa ha ce řikab
sełamim henen we welî mełła
emsalş nîyen ta çenaq qeła
sełamim henen we kake ’elî
emsalş nîyen ta we mendelî
sełamim henen we ’ebas mełła
emsałş nîyen ta we kelbela
sełamim henen we mame bextyar
nîgehdarş bo şay perwerdigar
sełamim bo we ehil gişt ’ednanîye
me’lûm bo lêtan mełła nanîye
we gewre û biçûk îsna’ û zikûr
sełamim henen yaran mezbûr
çe beyntan nebo hem kîne û ẍirûr
muḧebettan bo we diłêy mesrûr
amaden ḧazir saḧêb boystan
çem bed bir maro we zerb sînnan
newaçdê mełła pêm nedan xewer
me’lûm bo çelay unsa û muzekker
be ẍeyr çe xasî meken xerawî
we zeqnebût bo îdarey awî
herkes eḧwałim mepirso temam
mewî ẍułamş ta yum alqyamErebî
--wimTeksta ne aşkira bo lêtan yaran xasim
pałay giştitan we dîdey řasim
metłebim êden yar bo yek wicûd
nezdîk bo lêman menził meqsûd
meqsedim êden yar bo îtîfaq
we yektir meken îstîhza û mezaq
henî kafîyen eş’ar bo temam
du’agotanim baqî walsilamErebî