ḧacî temamen
bo mam muḧemmed
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
1 Xulek
281 Dîtin
ḧacî temamen ...
nuxt eweł axir girdîn temamen
we’de nemenden axir kelamen
me’lûm bo çelat yum alqyamErebîen
bedan mubtelay derd û alamen
fîrqey pak tînnet çe şad û kamen
bedan giriftar řay çoł şamen
yaran we řeftar řay dîn xudamen
ser çawey yaran seyîd û mamen
bedan řûsya ḧizûr şamen
nêkan ser azad sef mewlamen
dewrê nařasten ’eceb peyẍamen
feqê şew û řoj fikirit çelamen
mełła gîr werdey dest nefamen
pey dîdar yar her a do’amen
zat duł duł swar pişt û penamen
ḧirs û nefis ẍałb şewq û tełamen
erê řehber gyan ye çe bełamen
pey cîfey dunya ’eşq û celamen
bê xewer çe kar ḧał biramen
daym pey bedî çûn û çiřamen
kar, kasbîman yekser ḧeramen
î dam dułab pa pêç pamen
me’lûmen çe lat xeyałim xamen
kelam pey şahîd wêney enamen
řasî her êden webê xîtamen