kes xas nimebo
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
530 Dîtin
kes xas nimebo ...
ta xasî nekey kes xas nimebo
ḧerfan diruẍ we řas nimebo
bedkar çe lay ḧeq îxłas nimebo
na swar hergîz we swar nimebo
merd xas neceng haşar nimebo
tełay jêr xak, bed řeng nimebo
tûtî ne meclîs bê deng nimebo
meclîs ser mestan bê noş nimebo
luqmey puxtenî bê coş nimebo
şîr we bê maye, penîr nimebo
ta bedî nekey gizîr nimebo
tar tenbûran bê kok nimebo
ta herze nebo sibûk nimebo
giftûgoy germî we serd nimebo
namerd we gezaf we merd nimebo
şar webê dûkan weşar nimebo
derya we pay seg mirdar nimebo
lûtî çe fitrak keł pos nimebo
yar bê wefa we dos nimebo
şar we bê dûkan we şar nimebo
řenc perê mêrdan xesar nimebo
şahîn şew gerd mu’nîs nimebo
ełmas we ahen yek cîns nimebo
’alim û cahîl yek řeng nimebo
’aqił çe te’ne dił teng nimebo
ḧakim murafi’ bê şeř nimebo
supay řoj ceng bê ser nimebo
mefreq çenî mis zeř kefit nimebo
sexawet mêrdan we mifit nimebo
adem sexî bexîl nimebo
weşan û şewket sexî nimebo
nuqrey direxşan cesûr nimebo
demîn meḧşer bê sûr nimebo
hewrêşim we poy, tan kêş nimebo
hergîz bêgane we xwêş nimebo
şoregat zemîn we kişt nimebo
mêrd xas we bed ałişt nimebo