yaran ’uryanim
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
557 Dîtin
yaran ’uryanim ...
me’lûm bo lêtan yekcar ’uryanim
çe dax dewran ciger buryanim
yawan we fełek dad û efẍanim
ga gahê ẍemnak gah şadumanim
gahê abadim gahê wêranim
demawen asa berzen demaxim
kem řu’yet bîyen nûr çemanim
niḧin qisminaErebî kem kerden nanim
nemenden taqet tab û tewanim
er zat mutłeq neko dermanim
sařêj nimebo kone zamanim
sed ḧeyf zay’en watey beyanim
yar nîyen weteng zarî û giryanim
ga gahê ’abid gahê ’îsyanim
yařeb çe řeḧmet nekey nisyanim
ga pîr ga kamił gahê cwanim
ga gahê dana gahê nadanim
gahê ẍerq ẍem ga çe seyranim
gahê çe gerdeş nîyen îskanim
be wêney seyyaḧ ga sergerdanim
gahê çe êran ga çe tûranim
ga gahê geda ga çun sułtanim
muntezîr we lutif ḧeyî subḧanim
ga gahê malk yek luqme nanim
gahê saḧêb fewc germen dîwanim
ẍewas deryay beḧir ’umanim
merd mubarîz ser koy meydanim
çe daney yaqût piřen dûkanim
xiřêdar nîyen xałî mîzanim
ga çun erestû ga çun luqmanim
perê bîmaran şifan dermanim
esas çe nesił keyanyanim
muḧtac namerd eḧwał nezanim
kes nimezano nam û nîşanim
bendey kemterîn qapî pîranim
gîrodey gerdab beḧir ’umanim
bê qedir û ḧurmet çenam qewmanim
kelb astaney şah merdanim
çe řay ehil beyt qoç û qurbanim