yaran îxtîlat
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
1 Xulek
324 Dîtin
yaran îxtîlat ...
çenî yek budê yekser îxtîlat
dewam nedaro î fanî řîbat
lazmen çey wext hem sebir û sebat
xisufelqemer mekero îspat
ta’ûn û êwlet îḧzaren afat
er sed noş kerdê î qend û nebat
nimeyo we dad pey řoj hey hat
diłtan xas kerdê çî serdî se’at
kesb ḧełałî xasen pey ewqat
liqa alilhErebî ḧeq pêm medo qinyat
bêzar çe dîdar ḧurî alcinatErebî
pey ḧorî meken î sum û sełat
ya ḧeq nîk û bed ’eyanen çe lat
wekar nimeyo hezaran ebyat
burhan û delîl lazmen îspat
çunke ’ewecen temeł û ḧeyat
pîne nimebo we hezar xeyat
yaran bêzarim çey fanî ḧeyat
çey zemaney sext ḧazren memat
meger firawan darom ẍełetat
bê ’îlim û ’îrfan newanam meleffat
’efum bikeran çe gişt sehwîyat
sakin ber mełła meker xeyałat