padşay qehar
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
353 Dîtin
eweł car be nam padşay qehar
aferînnendey hem leyl û nehar
murẍ derûnim bîyen xeber dar
pêm maço binwîs perê yadgar
araste kerden çerx keç řeftar
perê nimayş cumley yar û ẍar
wefa nedaro î ḧirş dewar
hezar hezaran kerden nigûnsar
hîç meẍrûr mewdê ey yaran yar
cîfe çend kesan kerden şermezar
wî mał dunya meken î’tîbar
axirş hîçen serencam kar
megnidê we şon î nefis mirdar
sergerdan mewdê çe kûçe û bazař
îḧatem medan yemîn û yesar
we buhtan sazî qewman ḧîmar
hîç kes wêney min nebo înḧîsar
we dest giroy nadan giriftar
ẍeyr çe zat ḧeq nemendenim çar
’aciz û meḧzûn derûn înkîsar
sa bo we hanam ya weysî nazdar
yaristan ẍafił gişt bîyen ẍeddar
parêz bikerdê çe řay bed etwar
ẍafił menîşdê zînhar sed zînhar
weqten peyda bo şay duł duł swar
anene ya ḧeq gunam sed qentar
xisufel qemer kerdenim şumar
se bełay ’ezîm mekero îzhar
eweł muzar’ tełef mo xesar
we dest melex supay bê şumar
dûhemîn êwlet ta’ûn kîbar
fîrqey merdiman mekero qelar
sêhemîn mebo ḧerb karzar
merdiman mebo hem qetił û kuştar
her kesê weḧeq kerdenş îqrar
mebo kero terk hem namûs û ’ar
er wêney mensûr bikeraş we dar
diro newaço řast baço giftar
amanen dexîl padşay kerem dar
pey řagey ẍełet nekerîm îcbar
’aciz û meḧzûn bendey gunah kar
xetay firawan pêm kerdenit bar
hetake nebo emir kirdigar
wa nimeşano giłaye çe dar
behane kerdiş bê ḧed û şumar
adem ber awird çe beheşt ḧesar
gendim behane şeytan sebeb kar
we ’alem behane kerdenş mekar
ye watey mełłay muxtelîf eş’ar
kemter ne ’alem zedey zede dar