eweł car be nam şah wilayet
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
3 Xulek
546 Dîtin
eweł car benam şah wilayet
dûhemîn be îsim nûr nebîyet
pey nwîsnay kîtab kerdim îradet
ba yadgarî bo çenam î mîllet
newaçan mełła nekerden xizmet
xeylê cefam werd neřay dyanet
herdem pey cîfe haymê çe ezyet
bê şewq û bê zewq nedaran tûmet
perê nezanan î dunya cennet
perê danayan hem derd û mîḧnet
serdarman meẍrûr her han çe ḧîddet
bê řeḧim û însaf nîşaney nekbet
her kes ney zeman daşte bo ẍîret
qisey ḧeq baço mekeraş ’îbret
yaran çêş keron çey zemaney sext
qedir zeř nîyen çe lay î bedbext
feqîrê çun min suxen piř lezet
er xizmetim ken nedaro minet
her kes we giroy wêş daro ulfet
buçk we buzirg meko îta’et
be ẍeyr çe bedî buhtan û ẍeybet
ney ca nemenden hem qedir û ḧurmet
hamsa we hamsa meko xyanet
nemenden erkan emin û emanet
’alem mubtelan we zeř û zînet
ḧeya paymał mefqud dyanet
ney dewr û zeman mendenan ḧîret
şexis duř şinas ney zeman qîllet
zimřey seyîdan daro sê xesyet
ewełen êden biboş sexawet
dûhemîn çe ceng biboş şuca’et
sêhemîn sabîr saḧêb metanet
serdarê nîyen daşte bo heybet
giştiş nabuten bê şan û şewket
ře’yet giriftar derd û meraret
zeqne bût bîyen cumley kesabe
çerx çep řeftar nekyana řîşet
’alem hîlaken perê me’îşet
hîç merdê nîyen pêş kerî bey’et
beẍeyr çe ’elî şêr piř şewket
nyenan weteng hem mał û dewłet
be wêney tûtî ham çe syaḧet
çe herko bibo fîrqey pak tînet
tûtî derûnim meraq wesobet
řîşim sifîd bî çe derd û xefet
ey fîrqey yaran nedarom taqet
î fanî hîçen axir nedamet
xasî bikerdê pey řoy qyamet
nefis emmare pêm medo şiddet
cergim řixne kerd we te’ne û kinyet
nefis emmare padşay ser text
nefis mutme’în qeraren wecext
supaş pergende çe nam qeła û kefit
ḧîrs û nefis ulkey îman kerden zefit
qaym bigêrdê dîn û îman sifit
giftar serf kerdem we herzan û mifit
mer yadim kerdê baçdê kuca řefit
dewam nedaro î mîzan çefit
penaman berden wezat dû hefit
çwarde me’sûm nedefteren sebit
diłman yex besten çey serdî sa’et
hefta û dû giro mekoman le’net
bedîman maçan qewm bê sîfet
her han ne doşman bar meşeqqet
çe ême xeta çe pîran hîmmet
meḧrûman neko çe bezim weḧdet
bazařim kesas gewher bê qîmet
yaḧeq nekyanîm we řagey ẍełet
er sed zede dar gyanim piř ’îylet
sergerdan meker bendet cî hełet
ye watey mełłay bendey bê serwet
sen’et nedarom ẍeyr ez kîtabet