yaristan xerab
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
543 Dîtin
yaristan xerab ...
dunya nemenden weqten bo xerab
we ḧukim bêçûn padşay wehab
me’mûr amaden we te’cîl û tab
ḧurmet qelîlen çe dost û eḧbab
merdan çenî zen bîyen we erbab
îslaman meraq ’areq û şerab
le ef’al bed naken îctînab
bo fisq û ficûr têjin çun tîzab
bełê çe axir nabin kamyab
cahîlan meraq temure û řubab
’aqłan medfun fî tiḧit altirabErebî
şeban ta be řoj hîç nedarom xab
çe qehir mîllet cergim bî xunab
benî beşerman gişt bîyen kezab
qum saxte çî cahîl û şebab
le małî ḧeram neken îktîsab
bo cîfey dunya eken îrtîkab
naqis mełłayan exwênin kîtab
le řoj meḧşer çêş medan cerab
meger çe axir dił gêro ḧubab
nêkan xełas bo bedan dił kebab
merd ḧeq neyca nimebo sîrab
mer zat bêçûn kero fitiḧ albabErebî
aşnay ezeł bîyen we ecnab
bêganey ebed bîyen we eḧbab
qisey ḧeq me’lûm be wêney aftab
lazmen qeydiş kerî we şetab
bê hûden nuqtey er xêr er sewab
fa’îde nedaro pey dost û etrab
temam ḧeramen gişt ekil û şerab
xetam firawan bê ḧed û ḧesab
hîç ẍafił mewdê ey fîrqey sewab
çe nam beheşt ḧazren ekwab
her kes pak qelb bo webê îstîcwab
çe ḧewz kewser noş mekero ab
hezaran aman çun efrasyab
çey dunyay fanî negûn bî ẍerqab
ye watey ’ebas ḧîlmîNasnava edebî alalqabErebî
guftare lezîz be wêney xoşab