yaran çenî yen
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
1 Xulek
540 Dîtin
yaran çenî yen ...
me’lûm bo lêtan dunya çenî yen
îdarey î weqit pen penî yen
’eceb qernêwen dewrê henî yen
muḧebet î ca weřîş xenî yen
her kes lêş dûr bo temam ẍenî yen
mechûlan meẍrûr dewr denî yen
’aqłan sikût webê menî yen
munkîran meşẍuł řîşe kenî yen
tîr weřûy sîney mu’mîn şenî yen
do’ay fatîḧey řoḧim wenî yen
’alem giriftar qeła benî yen
dunya seraser mode tenî yen
mełła giriftar qeła benî yen
giftû goy î wext tund suxenî yen
ḧedîs namesmû’ meqbûł fenî yen
tepił bed namî mîllet jenî yen
eḧwałê weytewr qewman kê dî yen
we’de nezdîken zihûr mehdî yen
esas negbet çe bê ’ehdî yen
mexlûq mubtelay fesadî bî yen
xasan întîzar wext we’dî yen
eḧmeqan meşẍûł bê edebî yen
ẍafił çe ẍezeb qehir řebî yen
hîç kes nimaço erkanman çî yen
ser çeşmey zabit dîn çe wîr şî yen
mełła her çe fîkir ḧîle û xenî yen
ciłew ḧirs û nefis çe dest ber şî yen