yaristan muḧtac
Li pirtûka:
Şî’rekanî Ḧîlmî Kakeyî
Berhema:
Ḧîlmî Kakeyî (1882-1966)
2 Xulek
751 Dîtin
yaristan muḧtac ...
xalq hîç kesê nekero muḧtac
çey weqit nemenden ḧusin û îmtîzac
çenî cahîlan tebî’et şîrac
weyed ḧeqen text û bext û tac
çelay mexlûqat ḧukimş bo řewac
řastî nemenden yekser gişt e’wac
mer zat bêçûn bikero îfrac
dinya tarîken wêney şeb dac
çey weqit bê ferqen şekir çenî zac
şêxan meşẍûłen çenî xerc û bac
delîl ḧayrîn mer kero ’îlac
keştîman keften wegêj emwac
çe kerdey wa’îz çe ef’al ḧac
be’zêman bîyen derwêş na’îlac
meşẍûł we zikiren we me’îdey ac
dû řû, dû zuban wêney nan sac
yekser řeş û řût çûn yaney hellac
qîsmê meraqen weřa û duřac
qîsmê ḧeramî qîsmê hen muẍlac
be’zê ḧeddaden be’zê hen seřřac
be’zê mel’ûnen çe dîn îstîxrac
pey dîdey bedan tîr bîyen amac
kafîyen mełłay şiksite efwac
řoşnayî nemend neřûy ka’înat
yekser xanedan webê keramat
furqan û zebûr încîl û tewrat
qedirş horgîryan neřûy serbesat
çe bed goyî xelq dunya piř afat
zeḧmet bê řeḧman bilan we cennat
her kes wehem cîns wêş bîyen bedxiwah
fîrqey nakesan meẍrûr û gumřah
yařeb qeti’ bo zuban bedgoyan
key xalîs mebo mexlûq nî zeman
ẍenî çe feqîr gişt muqederen
zumřey feqîran gişt derbederen