ne goşey ḧucrey xemda dił melûl
Li pirtûka:
Dîwanî Cefayî
Berhema:
Cefayî (1835-1890)
2 Xulek
437 Dîtin
ne goşey ḧucrey xemda dił melûl
nîştebîm xerîk xeyał me’mûl
mwatim henî ey diłey me’lûl
daxo bo we boy şadîş bo wisûl
miradim meḧał mizanam ḧusûl
kewkebim tulû’ kerdebê zuhûl
dirext bextim bew esił we tûl
ewsa bê qeza kendebêş usûl
ce naka namey şox zułf lûl
seraser wefa û meyl ew medlûl
sayeş sayesay huma na ne fewq
ferq dił efser şahî şar şewq
çun nefḧey camey şay mîsir menził
şinoy boy me’naş şîfa da we dił
çun çîhrey diłber ne say syamał
netoy sya xet nimana cemał
beł medlûlş çûn aw ḧeywanî
ne toy şîrîn neqiş xetit zułmanî
xuroşa derûn sêrş werdewe
diłey murdey xem zînde kerdewe
bełam ax cefa çenî ḧeyatim
mexlûqen cya nyen ce zatim
werne noşay aw ḧeyat namet
řeşḧey řoḧ efzay sernûk xamet
mibî we mayey ’umir xizir tûr
’eyşim nîşatim zînegîm bey cor
azîz ne ser kel serberz wefat
sitarey tałey xestey piř cefat
meḧiz lutif ton tulû’ kerdewe
dirext bextim sêławTeksta ne aşkira werdewe
werne min we kam mertebem yawan?
çenî minit bo wefay firawan?
qesem we yad key ta ḧusin şêwet
cîlwe nimabo ney diłey lêwet
gerd bê meylî nederî ne dił
neyawoş sizay bed ’ehdî muşkuł
fermat pey zatim lazmen wefa
çun mulazemey zat to we cefa
zat û sîfatim fîday wefay to
zatit her satê nesed sefa bo
kerdebêt te’lîq sefa û cefay wêt
we sefa û cefay cefayîNasnava edebî perêt
cefa perê min, sefa perê to
zat pak to ne cefa dûr bo!
do’ay xeyr ce min teleb kerde bî
zenin ehlîyet we min berdebî
ḧeq û mwafîq ḧosin zenin wêt
neher afetê neqsêş bo perêt!
ne dinya û ’uqba nîgat bidaro!
lutif û řeḧmetiş perêt bwaro!
werne çun minê tawan firawan
key řicaş we zat qudis ḧeq yawan?