meftûnî meḧbûb îstîẍna yatax
name bo meftûn
Li pirtûka:
Dîwanî Cefayî
Berhema:
Cefayî (1835-1890)
2 Xulek
455 Dîtin
«meftûn»y meḧbûb îstîẍna yatax!
kuştey bê bakîy şay biłind demax!
ẍerqî mehlekey gerdawî derdan!
meḧrûmî ḧełqey bezmî hamferdan!
ne ḧełqey meclîs cergey ehil xem
nîştebîm melûl derûn piř ce xem
her yek we derdê bê hoş û sersam
dił we cefawe meram natemam
bînî dił we gerd derdan piř keder
meḧrûm ce neş’ey nefḧey şîfader
ce naka şinoy boy guł hedyey to
çenî weş ferdan meyl wefa bo
serda ne serda yaneket awa
new demda we dił sirûrê yawa
ad demax dił perdax kerdewe
êd soz yaran hem awerdewe
ad şad we meşam ẍezałey muşkîn
bî we menzer pey şox cam cemîn
êd tezîyn da bezim giroy ewgaran
taze kerdewe şor zamdaran
sewdaş sewdat kerd we îşaret
medlûlş şyen şadît we ẍaret
herçîm bî ne dił mayey tîcaret
şadî şî perêt nemend beşaret
têşda şikayet çepgerdî gerdûn
çun heway luwat awerd ew derûn
nezanat fełek çerx çep endêş
mekero hergîz xîlaf tebi’ wêş
kerdebêt îzhar řesim wefayî
çenî dił melûl xestey cefayîNasnava edebî
bełê kesê werd mey aşnayî
key kero tasey daway cyayî?
pase ca girten yadit ne derûn
mer axir nefes bidoş ew bîrûn