dił zedey qulab mujey newhałan
name bo meftûn
Li pirtûka:
Dîwanî Cefayî
Berhema:
Cefayî (1835-1890)
2 Xulek
519 Dîtin
dił zedey qulab mujey newhałan!
meftûnî fettan feyroze xałan!
medhoş mobet ebro hîlalan
mubtelay bałay weş newnîhalan
derûn piř sewday saḧêb kemałan
toy ciger perdax şîrîn cemałan
bê xeber ce ḧał derûn melałan
neşneftenî... şay nazk xeyałan
ney demda fełek çi keydê kałan?
dewłet şadîm çun berd we tałan?
çun dya keylen demax bułbuł
netoy baxçey wesił we ’etir ew guł
řûda we hemda qîn awirdewe
bułbuł ce boy guł cya kerdewe
we’etirş meşam bêganan kerd şad
řenc temamî bułbuł da webad
yanê ser delîl muşkîn ẍezałan
dosekey ře’îs şîrîn xîsałan
ce min cya kerd we dił da nałan
ey dûy cyayîş nesînem bałan
walḧasilErebî esbab sefer da tertîb
teşrîf berd we xeyr ahûy diłfirîb
ew bezim û ew zewq, ew seyr, ew sefa
ew meyl û ew wesił, dos piř wefa
me’lûm bî ce lat dît we çem çepgerd
her seringûn bo gird we fena berd
îse cefayîNasnava edebî we sed derdewe
wêł wêł megêło weser herdewe
daym dił we ah sextî serdewe
minało ney terz wey çend ferdewe:
ay we derd hîcir dił ewgare wêm
meḧrûm bałay ałay yare wêm
siftey biłêsey kurey nare wêm
bê sebir û aram, bê qerare wêm
’endelîb dûr ce gułzare wêm
şew û řo xerîk nałe û zare wêm
toy ciger we têẍ dûrî pare wêm
da’îma derûn piř pejare wêm
bînî dił piř gerd zukam bare wêm
mehcûr boy naf weş tetare wêm
dîde we bê dîn dîde tare wêm
ce gyan şîrîn wêm bêzare wêm
gîrodey gerdûn dûn kirdare wêm
piř azar çerx keç řeftare wêm
umêdim êden «meftûn» meḧzûn
do’ay dûbarey wesił ey zebûn
bawerî wesoz derûn we kamda
wîrdit bo newext gird subiḧ û şamda
beł er sitarey bextim tilû’ kerd
şu’le da ne řûy derûn piř derd
zû ’ewdet kero ahûy dîde mes
zeyl camey wesił ew barom we des
xelas bam ce êş derd mehcûrî
ce sextî sizay pêç řay dûrî