luway new wehar şadî hamferdan
Li pirtûka:
Dîwanî Cefayî
Berhema:
Cefayî (1835-1890)
1 Xulek
516 Dîtin
luway new wehar şadî hamferdan
germî herdey dił giroy hamderdan
bê bezmî fezay sara û serherdan
çêşen ney demda perêman serdan?
sa dey waçdê pêm hana hey merdan
dexîlen ana ce ḧesret merdan
ce şûmî çarey henase serdan
nek çun cefayîNasnava edebî wêł û sergerdan
yeqînen serxêł kerden be gerdan
řiştekey meyliş ce des dił werdan
koçî xeyriş kerd ce laman lwaş
şêwna nezmî bezim qedîmî me’waş
ełbet ce nałey diłan bêzaren
ney ser wexteda wey tewre taren
ya we qesd seyd hezaran ter
ẍezałe kerden ’ezim ey sefer
werne dûy derûn giroy ewgaran
germî heway dił cergey xembaran
simûm nefes ciger piř xaran
piř kerd yekser sara û kosaran
çi wadey heway sefa kerdenen?
key wext teşrîf we seyr berdenen?