ẍezałey delal diłan melal ker
Li pirtûka:
Dîwanî Cefayî
Berhema:
Cefayî (1835-1890)
2 Xulek
528 Dîtin
ẍezałey delal diłan melal ker
tar nedam kam cefayîNasnava edebî bê der
ḧeyf nîyen min wey sextî ḧałewe
wey kizey derûn piř melalewe
wey zam nasor maran gestewe
wey derd karî cê neřestewe
wey cerg hûnîn piř ce êşewe
wey diłey lêwey we dem nêşewe
wey kesret sêł lêł deydewe
wey bałay webar xem xemîdewe
wey endam wişk meynetanewe
hîç nîyem weteng tîr û tanewe
daym geştimen we herdanewe
beł we herd sext gişt derdanewe
derdim řiştey hoş pêm werdanewe
nałey dił meyo wey ferdanewe:
ay ’eşq diłber peşêw kerde wêm
way pyałey jar xeman werde wêm!
ay arezûy wesił we gił berde wêm
way ẍerîq gêc beḧir dirde wêm
ax dax nuxtey xał şêwe ḧûr
ḧesreten perêm ta we nefxî sûr
ay dyay bałay ałay cîlweger
bî we bełay dił ta we řoy meḧşer
êste to cagîr qełay bê bakî
bê ’elaqey cey me’way ẍemnakî
min řa gum kerdey saray hîlakî
gîrodey azar dewr eflakî
xisûsen zeninit êden: cefayîNasnava edebî
qelbiş ma’îlen we bê wefayî
yanê dił we meyl ẍeyrê mesrûren
dîdeş we dîdey ẍeyrê piř nûren
bew bałay ałat, bew ’eyn mexmûr
bew gonay guł řeng bew cebhey piř nûr
bew xał şîrîn bew tuřřey muşkîn
bew gerden saf bilûrsay nûrîn
bew taq ebroy cifit û peyweste
bew mujey sîham sed dił pê xeste
bew řaz şîrîn, saz weş awaz
bew naz nazk nazenîn nyaz
cew sawe badey ’eşq tom werden
sîway to xeyał kesêm nekerden
şerit bo nek çûn şerit, guł çenî bułbuł
beł şerit bułbuł çenî piřey guł
henî ta ḧeyat bişo we fena
neyl sîway tom nebo temenna