sîrwan ser’î sewday nîgaran
Li pirtûka:
Dîwanî Cefayî
Berhema:
Cefayî (1835-1890)
1 Xulek
483 Dîtin
sîrwanî ser’î, sewday nîgaran!
dêwaney derdîn dîde xembaran!
lêwey derûn lêł, wêłî nazaran!
şarezay şařay ’eşqî diłdaran!
guzergay giroy ahû řeftaran!
şeyday ẍemgusar kirîşmedaran
ahûy ser delîl sipî tetaran
ha kerden heway seyr kosaran
řasen şor ’eşq yar cîlwedar
ce destit werdan řiştey îxtyar
bełam ce teqdîr barîy keremdar
bît we guzergay şoxan nazar
řicam hen ce lat ladê tamił ker
ta guzer kero ẍezałey diłber
nazk endamîş çun ce ḧed ředen
me’lûmen ce lat tesdî’iş beden