zedey çûbî cewr dewran gerdûn
namey cefayî bo şehîd
Li pirtûka:
Dîwanî Cefayî
Berhema:
Cefayî (1835-1890)
2 Xulek
508 Dîtin
zedey çûbî cewr dewranî gerdûn!
mesa’ib nesîb, xem ce ḧed bîrûn!
cefa kêşî êş, ’eşqî şem řoxsar!
elem werdey zexim sehmî sehmidar!
ce me’way diłber wêł û derbeder!
şêrî gerdin keç pey qeza û qeder!
ne řay ’eşqida řisway ’am û xas!
sewda bê saman «şehîd» we řas!
dana’î tenyay bê hemtay celîl
kafyen pey sîdiq ’erzey ey ’elîl
gyan tom ce gyan wêm muqeddemen
her çêw bwaçûn ce dosît kemen
ce azarit derd wêm ce wîr şyen
ḧesretim perêt samanş nyen
mewtim cey ḧeyat weşteren ce la
wey tewre hamferd byen mubtela
ce nałem nifûr řo weḧşî meẍmûr
ce zarîm bêzar şew ehil me’mûr
řefêqan perêt girdîn xatir řêş
dostan ce dûrît yekser ḧesretkêş
xisûsen meḧbûb şox şêwe şem
nek wêney ahûy ser delîl řem
cefayîNasnava edebî çenî fîrqey diłberan
her yek we terzê ẍem perêt weran
ad maço:ay pey mecnûn řextekem!
sed ḧesret perê ferhad bextekem!
êd maço: perê ciger goşem dad!
pey ferzendekey ferzanem feryad
ah sîney min çenî gird nefes
ber meyo perêt «şehîd»y bê kes
çemerî hîcran çetir ferqimen
deryay bê pey ẍem me’way ẍerqimen
da’îm wîrdimen dû ferdekey to
dû ferd medlûl bê gerdekey to:
«hana hey ecel ye kar kerden»
«herçî hen gonay minit we gerden»
«er ney ney serwext xeman erzanî»
«nîm erway ser sext ce min bisanî»