derwêş şem’ şewq şadî hamferdan
Li pirtûka:
Dîwanî Cefayî
Berhema:
Cefayî (1835-1890)
1 Xulek
501 Dîtin
derwêş! şem’î şewq şadî hamferdan
kuşyanewe şî sefay hamderdan
muẍennî! ẍem cem, cergiman matem
neyçî! çîn çînen gerd dił we xem
mutrîb! bê tereb bê zewqen yaran
xisûs cefayîNasnava edebî ’eşqî nîgaran
def û neẍmey ney, sazî şîrîn nezim
yawer wey meydan perê ’ezmî bezim
kizey her terzê te’sîrê kero
her nefes sozê we derûn dero
kûrey řeḧim meyl saqî coş aro
badey bezim xêz we meclîs baro
saqî bew sehbay saf weş eser
ne ḧełqey meclîs yaran dewre der
peyapey cew mey biřêz we diłda
xisûs we toy dił sewda kamłida
çun xeylên derdîn xefet ne cergen
gîrodey nêşen nizîk we mergen
beł derûnş mest badey saqî bo
daym mezey mey ne dił baqî bo
binîşo bew dił ce mey mestewe
bew derûn saf ce xem řestewe
cîlwey diłberş be dił bimano
çenî meyxiwaran ey ferde wano:
fîdat bam saqî dił ce xem azad
te’sîrî badet cefayîNasnava edebî kerd şad