dexîlen şemał
Li pirtûka:
Dîwanî Cefayî
Berhema:
Cefayî (1835-1890)
2 Xulek
413 Dîtin
dexîlen şemał...
desim damanit dexîlen şemał
mezanî hîcran şay muşkîn ẍezał
mezaq ’eyşim çenî kirden tał
sef sef supay xem yawan we kemał
şikawan leşker sefa û weşî ḧał
şewqim tefreqen, şadîm ne zewał
keyfim bê kefaf, seyranim betał
bo we lamewe, tefsîl eḧwał
cefayîNasnava edebî piř cewr ciger piř mełał
bereş we xidmet şay şîrîn cemał
hîç meker tamił weş bişo binał
wextê we me’way şox sosen xał
yaway mewînî dos weş xîsał
ana ne cergey şîrîn nîgaran
minmano çun bedir çenî sitaran
bew celay cemîn bê mîsalewe
bew bałay ałay new nîhalewe
bew ebroy peywest çun hîlalewe
bew gonay letîf wêney lalewe
bew neş’ey nîgay ’eyn mestewe
bew şinoy şewboy zułf destewe
bew mînay gerden piř ce xałewe
bew ’îşwey şîrîn bew kemałewe
bew kałay qeşeng saḧîb behawe
bew cîlwey cemał bê întîhawe
minmano penet pêşanî piř nûr
pa binyer ew pêş ’aqłan destûr
we temkîn tenxiway cefayîNasnava edebî xemîn
ne wer asaneş bose der zemîn
meperso: dîsan şemał çêş byen?
pey çî wey tewre aramit nyen?
waçe ew taław xeman noş kerde
ne ser koy hîcran to gîr awerde
dîm dił we camey ah serdewe
derûn we namey pêç derdewe
nwîsyan mektûb piř soz û eser
mextûm we xatem daẍ toy ciger
er tesdî’ nyen ẍezałey diłber
bwanûn perêt namey xem semer:
we mayey ḧeyat cestey xestekem
dewayî diłey derdan gestekem
«bi’dErebî» we bałay seru bê xemit!
we neş’ey şikenc pêç perçemit!
tenxiway qehqehey diłweşî û sefam
şînmen naşad gîrodey cefam
semûmen perêm şinoy werkawan
çun ḧemîmen aw serd ser’awan
boy çinur zyad kero zukamim
sûdê nedaro perê meşamim
welḧasił weyşûm şûmîm gêc werden
gułşenen şadîm pejmurde kerden
bê ḧed bê demax dił bê qerarim
ce zîndegî wêm temam bêzarim
mer neş’ey şinoy heway wesił to
ney serwexteda perêm zahîr bo
werne zahîren qet’en necatim
nemenden ne dił temay ḧeyatim