diłkêşî cergey ciger sed paran
Li pirtûka:
Dîwanî Cefayî
Berhema:
Cefayî (1835-1890)
1 Xulek
410 Dîtin
diłkêşî cergey ciger sed paran!
diłsozî ẍemxiwar xatir piř xaran!
seyyadî piř zor saḧîb sehim û sam!
kuşnidey diłan çun ahûy xeram!
bełed ne girdîn kosaran ’eşq!
şarezay azar xembaran ’eşq!
şineftim ce řûy îltîfatewe
bew lefiz şîrîn weş edatewe
persabêt eḧwał dił we xem zelîl
kew çun bo ce ’eşq ahûy serdelîl
xestekey xeman we derd perwerde
zûxaw zaman ne dił ser kerde
nimez çêş waço ḧałş çenî bo
er her tewrê bo mexfî nîn ce to
tefsîl eḧwał dexîlen ser xêł
da perse sîrwan lêwey derûn lêł
bidye we lêłîş we nałey zarş
ladê ce layê nyen qerarş
ane ’ekis min weneş dan yeqîn
çenî persanit cefayîNasnava edebî çenîn?