arezûy azîz wenem zor awerd
Li pirtûka:
Dîwanî Cefayî
Berhema:
Cefayî (1835-1890)
1 Xulek
648 Dîtin
arezûy azîz wenem zor awerd
ce lay wêm pey wesił ḧîlesazîm kerd
ne ser řaguzer ewca şew û řom
sazan beł bidyo we nałey bê şom
guzer kero şox şîrîn cemałim
car carê beyo biperso ḧałim
derûnim badey mesrûrî wero
dił ce dyay řûş lezzetê bero
mezana bextim musa’îd nîyen
bedî îqbałim ce ḧed berşîyn
sitarey tałem burciş gum kerden
fełek nakamîm we ser awerden
min ey xeyałem we derûn berden
diłberim meşreb bê bakî werden
nesîm xeyał ew cemîn çun guł
pey guzer kerdey řay yagey bułbuł
hałay wêş mizan ew dem ẍunçey dił
ew diłber meram min nekerd ḧasił
ey ferhad nîhad řenc we bade wêm
qeys asa daym dił naşade wêm
nakam řeng, nakam, namurade wêm
cefayîNasnava edebî bêkes bê îmdade wêm