ax sefa û seyran giroy mełałan
Li pirtûka:
Dîwanî Cefayî
Berhema:
Cefayî (1835-1890)
2 Xulek
796 Dîtin
ax sefa û seyran giroy mełałan
ne me’way řengîn bezmekey sałan
zemzemeş nyen çun herde caran
yeqîn serkirdey cergey ewgaran
«şehîd» meḧbûb şay şîrîn cemał
nyen ne ḧełqey bezmida îmsał
bo we îmdadim nesîm çun caran
dexîlen dêren dey welay yaran
midarat nebo ladê ce layê
binałe çun min dił piř bełayê
çun yaway we xak pak me’way yar
hamferdekey derd dił mebo bêdar
meperso nesîm nałînit we zar
waçe çêş byen nemenden qerar?
cwaw der we ah sub henasewe
waçe cefayîNasnava edebî dił we tasewe
îste ha ana we zimnakoNava taybetwe
megêło we kaw hîcran towe
kaw gîrodey taq derd bê dewan
yekbare şadî û sefaş gişt lwan
til wero çun til wedem derdewe
nałey dił biłind wey çend ferdewe:
ax we bê hamferd cefa werde wêm!
be bê dîyn dos dił piř derde wêm!
nekoy nakamî esef berde wêm!
şew řo xerîk ah serde wêm!
derûn alûdey zeng û gerde wêm!
gîr awerdey zor des çepgerde wêm!
ne ’am ’alem temam meşhûren
diłsoziş tonî kem meylît dûren
sa dey wefay tom henî min pey key?
do’akem we soz derûn peya pey
hîmmet tełeb ker ce meyl diłber
perê necatî cefayîNasnava edebî bê der